Sinhala
English
Tamil
- සෑම ශිෂ්ය ශිෂ්යාවක ම පෙ.ව. 7.25 ට පෙර පංතිකාමර හා වෙන්කර දී ඇති ස්ථාන පවිත්ර කොට අවසන් කළ යුතුය. මේ සම්බන්ධයෙන් පන්තිභාර ගුරුවරයා හා අදාළ ශිෂ්ය නායක නායිකාවන් වගකීමනේ ක්රියා කළ යුතු ය. අවසරයකින් තොරව පෙ.ව. 6.45 ට පෙර පාසලට ඇතුළුවීම සපුරා තහනම් වේ.
- පාසල ආරම්භ කිරීමේ සීනුව නාදකිරීමත් සමඟම සියළුම දරුවන්, ගුරු භවතුන් රැස්වීම් පැවැත්වෙන නියමිත ස්ථානවලට පැමිණිය යුතුය.
- උදෑසන ආගමික වතාවත් හා ජාතික ගීතය පාසල් ගීතය වාදනය වන විටත් හවස ඡත්ථමානවක ගාථා වාදනය වන විටත් සිසු දරුවන්, ගුරු භවතුන්, අනධ්යයන කාර්ය මණ්ඩලය හා පාසල තුළ රුඳී සිටින සියලු දෙනා ස්වකීය කාර්යභාරයන්ගෙන් වැළකී එම කටයුතුවලට ගෞරවයෙන් හා සක්රීයව සහභාගී විය යුතුය.
- සියලුම සිසුන් පාසල නිමවන තෙක් තම පන්ති කාමරය තුළම රැදී සිටිය යුතු අතර කිසිදු හේතුවක් නිසා වෙනත් පන්තියක ,ක්රීඩා පිටියේ හෝ වෙනත් ස්ථානයක රැඳී නොසිටිය යුතුය. අවශ්යතාවත් සදහා වෙනත් පන්ති කාමරයකට යන්නේ නම් අවසර ලබා ගත යුතුය.
- සෑම කාලපරිච්ඡේදයක් අවසානයේම නියමිත ගුරුවරයා පැමිණෙන තුරු නිහඩව ඊළග විෂයයට සූදානම් විය යුතුය. විනාඩි 10 ක් තුළ අදාළ ගුරුවරයා නොපැමිණෙන්නේ නම් පන්ති නායක නායිකාව හෝ විෂය නායක නායිකාව විසින් අංශභාර ගුරුවරයාගෙන් විමසිය යුතුය.
- කාණ්ඩ විෂයයන් සදහා වෙනත් ස්ථානයකට යනවිට හා නැවත පන්තියට පැමිණෙන විට පේළියට යා යුතුය. අවසාන කාලච්ඡේදයේ කාණ්ඩ විෂයයන් සදහා පිටත්ව යන්නේ නම් එම ස්ථානවල සිටම ගාථා ගායනා කොට පාසලෙන් බැහැර විය යුතුය.
- දරුවන්ට මතුවන ඕනෑම ගැටළුවක් ප්රථමයෙන් පන්තිභාර ගුරුවරයාට දැනුම් දිය යුතුය. අදාල ගුරුවරයා නොමැති අවස්ථාවක පමණක් අංශ භාර හෝ විෂය භාර ගුරුවරයාට දැන්විය යුතුය
- පාසල් වේලාව තුල කවර හෝ බාහිර අයෙකු සමග සබදතා පැවැත්වීම තහනම් වේ.
- පාසල් අධ්යාපන ක්රියාවලියට අදාල නොවන පුවත්පත් ඡායරූප , ලිපි, ජංගම දුරකථන, සංයුක්ත තැටි වෙනත් උපකරණ රැගෙන ඒම හා ළග තබා ගැනීම සපුරා තහනම් වේ. එබදු දෑ ළග තබාගෙන අසුවුවහොත් පාසලෙන් නිල වශයෙන් අස්වී යනතුරු ආපසු ලබා දෙනු නොලැබේ.
- පාසල් අධ්යයන කාලය තුළ අවසරයකින් තොරව කිසිදු ක්රීඩා පුහුණු කටයුත්තකට සහභාගී වීමට අවසර නොලැබේ. ක්රීඩා ඇදුම් සහිතව ක්රීඩා පිටියේ හැර වෙනත් කිසිදු ස්ථානයක රුදී නොසිටිය යුතුය.
- විවේක කාලය අවසන් වූ වහාම තම පන්ති කාමරයට පැමිණිය යුතුය
- පාසලේ හා පන්තිකාමරයේ උපකරණ ආරක්ෂා කළ යුතුය. ඉදල්, කොසු ආදිය පිරිසිදු කිරීමෙන් පසු අදාළ ස්ථානයක ගෙනවිත් තැබිය යුතුය. මේ පිළිබද සොයා බැලීම පන්තිභාර ගුරුතුමාගේ පන්ති නායක නායිකාවන්ගේ අදාල ශිෂ්ය නායක නායිකාවන්ගේ වගකීමකි.දරුවෙකු දින දෙකකට වඩා පාසලට නොපැමිණෙන්නේ නම් දෙමාපියන් විසින් පන්තිභාර ගුරුතුමාට දැනුම් දිය යුතුය. දින තුනක් ඉක්මවා නොපැමිණෙන්නේ නම් භාරකරුවන් පාසලට පැමිණ පන්තිභාර ගුරුතුමා වෙත භාරදිය යුතුය.
- පාසල නියෝජනය කිරමින් සහභාගී වන ඕනෑම අවස්ථාවකට පාසල් නිල ඇදුමෙන් සහභාගී විය යුතු අතර පාසලේ ගෞරවය ආරක්ෂා වන පරිදි හැසිරිය යුතුය.
- ශිෂ්ය නායක නායිකාවන් උදෑසන 7.00 ට පෙර පාසලට පැමිණිය යුතුය.
- පාසල් නිළ ඇඳුම නියම ප්රමිතියට තිබිය යුතුය.
- පන්ති කාමරයෙන් බැහැරව යන සිසුන් අවසරපත සමඟ දෙදෙනෙක් පමණක් පන්තියෙන් ඉවතට යා යුතුය.
- පාසල තුළ පොලිතින් ඇසුරුම් භාවිත නොකළ යුතුය.
- කොවිඩ් රෝගය හේතුවෙන් , පාසලට පැමිණෙන සියළුම සිසුන් සබන් ගා අත් සෝදා පැමිණිය යුතුය.
- පාසල අවසානයේ ශාලාවේ ප්රධාන දොරටුව දෙපසින් ගැහැණු , පිරිමි සිසුන් වෙන් වෙන්ව පිටව යි යුතුය.
- පාසලෙන් ඉවත් වන සිසුන් සඳහා අස්වීමි සහතිකය ලබා දෙනුයේ සිසුවා පාසලට භාරදුන් භාරකරුවාට පමණි.
- Home
- අපේ පාසල ගැන
- නීති හා රෙගුලාසි