ඉතිහාසය

මාතර දිස්ත්‍රික්කයේ අකුරැස්ස කලාපයට අයත් මාර/උඩුකාව කනිෂ්ඨ විද්‍යාලය 1971.01.04 වන දින ආරම්භ කරන ලදී. එවකට අකුරැස්ස පාර්ලිමේන්තු මන්ත්‍රී දොස්තර එස්.ඒ.වික්‍රමසිංහ මහතා සහ වැලිගම පාර්ලිමේන්තු මන්ත්‍රී   පානි  ඉලංගකෝන් යන අය විසින් විවෘත කරන ලදී .මෙහි සමාරම්භක විදුහල්පතිවරයා වනුයේ D.A.  විතානගේ මහතාය. පාසලේ ආරම්භක  දිනයේ පාසලට ඇතුළත් කල ප්‍රථම ශිෂ්‍යාව වූයේ ජී.වී. විනීතා ශිෂ්‍යාවයි. පාසලේ සමාරම්භය සඳහා උඩුකාව ග්‍රාම සංවර්ධන සමිතිය සහ මාලිම්බඩ ගම් සභාව මූලිකත්වය ගෙන ක්‍රියාත්මක වී තිබේ.

             ඒ අනුව ස්ථාපනය වන මාර/උඩුකාව කනිටු විදුහලේ ආරම්භක විදුහල්පතිවරයා වන D.A.  විතානගේ මහතා 1971.01.04 වන දින සිට 1978.05.11 වන දින තෙක් විදුහල්පති ධූරයේ කටයුතු සිදු කරන ලදී. ඉන් අනතුරුව ආර්. විතාරණ මහත්මිය විදුහල්පති ධූරයට පත් වූ අතර ඇය 1978 05.12 වන දින සිට 1987. 04 30 දින තෙක් විදුහල්පති ධුරය උසුලන ලදී . 1987.05.01 වන දින අභිනව විදුහල්පති ධුරය සඳහා සී.ඉඩිප්පි පිලි මහත්මිය පත් වූ අතර ඇය 1999 . 10.07 දින දක්වා එම ධුරය දරන ලදී. ඉන් අනතුරුව එස්. කේ .ජී මාලනී මහත්මිය 1999 10.08 වන දින විදුහල්පති ධූරයට පත් වූ අතර 2011.04.07 වන දින දක්වා එම ධූරයේ කටයුතු ඉටු කරන ලදී. 2011.04.07 වන දින විදුහල්පති ධූරයට පත් වන පූජ්‍ය වැල්ලානේ චන්ද්‍රසිරි හිමිපාණෝ 2014 .0 6.25 වන දින දක්වා එම ධුරයේ කටයුතු කළ සේක. ඉන්පසු 2014 .09.30 වන දින විදුහල්පති ධූරයට පත්වන වී.ජී.හේමචන්ද්‍ර  මහතා 2020 10.12 වන දින දක්වා විදුහල්පති ධුරය දරන ලදී.

{QF3=5}